ئیراق پێشەنگا وەلاتێن ھەژارە

نەتەوەیێن ئێکگرتی رادگەھینیت؛ د رێزبەندییا وەلاتێن جیھانێ دا ژ بۆ داھاتیێ تاکەکەسی، ئیراق ل رێزبەندییا 108ێ ل ئاستێ جیھانێ دھێت.
ل گۆری پۆلینکرنەکا نەتەوەیێن ئێکگرتی کو ژبۆ تەڤ وەلاتێن جیھانێ کرییە، ئیراق ل رێزبەندییا 108ێ دھێت کو ئاستێ داھاتیێ تاکە کەسێ وێ، ژ پرانییا وەلاتێن جیھانێ کێمترە کو دگەھیتە 7400 دۆلاران د سالێ دا، ل دەمەکی ل ھندەک وەلاتان دگەھیتە 98 ھزار دۆلاران.
نەتەوەیێن ئێکگرتی ئاماژە کرییە، رێژەیێن ھەژاری و بێکاریێ و خراب بوونا بارێ ژیارێ ل ئیراقێ رۆژ بۆ رۆژێ زێدەترە، ئەو ژی ژبۆ سیاسەتێن شاش یێن حکومەتێن ئێک ل دووڤ ئێک یێن ئیراقێ دھێت.
بلندبوونا رێژەیا ھەژاریێ ل ئیراقێ، ل دەمەکی دھێت د بەرھەم ئینان و ھنارتنا پەترۆلێ دا، ئیراق ژ پێشەنگێن جیھانێ یە، لێ سالانە ل رێزبەندێن ئێکێ یێن وەلاتێن خراب و ھەژار دھێت دانان.