د خوەنیشاندانێن دوھی دا ٢ کەس ھاتن کوشتن

ژ ئەگەرا خوەنیشاندانێن دوھی ئەوێن کو باژارێ بەغدا و چەند پارێزگەھێن دی ل باشۆر و ناڤەراست ڤەگرتی، 2 خوە نیشاندەر ھاتن کوشتن و نێزیکی 45 نیشاندەرێن دی بریندار بوون.
وەزارەتا ساخلەمییا ئیراقێ د بەیانەکێ دا راگەھاند؛ د خوەنیشاندانێن دوھی یێن رۆژا ئەینی، بەغدا و چەند پارێزگەھێن باشۆر و ناڤەراست ڤەگرتی، خوەنیشاندەرەک ل باژارێ دیوانییە و ئێکی دی ژی ل پارێزگەھا نەجەف ل باشۆری ئیراقێ ھاتنە کوشتن.
ساخەلەمییا ئیراقێ د بەیانا خوە دا بەلاڤ ژی کریە، ھەر د خوەنیشاندانێن دوھی دا 45 کەس ب دەستێن ھێزێن ئەمنی ل پارێزگەھێن بەغدا، زی قار و دیوانییە ھاتنە بریندار کرن.
ژ ئالیێ خوە ڤە کۆمسیۆنا مافێن مرۆڤی ل ئیراقێ ئاشکەراکر، 203 خوەنیساندەر کو ل رۆژێن پێشتر د خوەنیسامندانین ھەردو پارێزگەھێن بابل و واست ھاتبوونە دەستەسەرکرن، ئەڤرۆ ھاتن ئازاد کرن.
د درێژییا خوە نیشاندانێن ئیراقییان دوھی ب ھزاران کەس ل پارێزگەھێن بەغدا و ھەژمارەکا باژارێن دی یێن باشۆرێ ئیراقێ خوەنیشاندان کرن، و تێدا داخواز کر خزمەتگۆزاریێن زێدەتر و دەلیڤەیێن کاری بھێن دابینکرن و ھەروەھا داخواز ژی کر لێپرسین دگەل گەندەلچییان بھێتە کرن.