نووچه
ناتۆ ل وه‌رزێ پاییزێ دێ بنگه‌هه‌كێ سه‌ربازی ل ئیراقێ دانیت
هه‌ڤپه‌یمانییا باكۆرێ ئه‌تله‌سی ناتۆ، ب ژڤانه بنگه‌هه‌كێ سه‌ربازی ل وه‌رزێ پاییزا ئه‌ڤساله ل ئیراقێ دانیت.
جه‌نه‌رال جۆزێف ڤۆتێل، فه‌رماندارێ ناڤه‌ندا سه‌ركرداتییا سوپایێ ئه‌مریكا د پرێسكۆنفرانسه‌كی دا راگه‌هاند؛ هه‌ڤپه‌یمانییا باكۆرێ ئه‌تله‌سی ناتۆیێ ل به‌ره بنگه‌هه‌كێ سه‌ربازی ژبۆ مه‌شقا هێزێن ئیراقێ ل وه‌رزێ پاییزێ بدانیت.
دیار ژی كر، ئه‌و پێشبینی دكه‌ن، بنگه‌هێ ناتۆیێ دێ كاریگه‌ریێن ئه‌رێنی ل سه‌ر پێشدابرنا شیانێن هێزێن ناڤخۆ یێن ئیراقێ هه‌بیت.
هه‌ڤپه‌یمانییا ناتۆیێ د داوی گۆپیتكا خوه دا كو ل دوازده‌ی ڤێ مه‌هێ ل برۆكسلێ بوو، به‌رنامێ مه‌شقا هێزێن ئیراقێ گۆتوبێژ كربوو و بریار دا بنگه‌هێن سه‌ربازی ل ئیراقێ بدانیت.
