نێچیرڤان بارزانی کوردستانێ ل سەر رێبازا ژاپۆنێ پێشڤە دبەت

سەنتەرێ رەوابت یێ لێکۆلینێن ستراتیجی و سیاسی راگەھاند؛ نێچیرڤان بارزانی رۆلەکێ کاریگەر د ڤەژاندنا ھەرێما کوردستانێ د وارێن ئابۆری و گەشەپێدانێ داھەبوویە و ب یۆشیدا شیگرۆ یێ ھەرێما کوردستانا ئیراقێ ناڤکریە.
سەنتەرێ ناڤھاتی د بابەتەکێ خوە دا بەحس ل رەوشا ئیراقێ پشتی سالا 2003 یێ کریە و ل سەرکرداتییا ھەرێما کوردستانێ و پێشکەفتنا وێ کریە و ب ھەڤبەرکرن دگەل پارێزگەھێن دی یێن ئیراقێ ب سەرکەفتی ناڤکر و گۆتییە: چینا سیاسی یا کوردی رۆلەکێ گرنگ د وێ پێشکەفتنێ دا ھەبوویە، ل دەستپێکا وان ژی نێچیرڤان بارزانی سەرۆکوەزیرێ ھەرێما کوردستانێ.
د ئالیەکێ دیێ وی بابەتی دا ئاماژە کریە کو گەر ئیراقێ بڤێت ژ گەندەلی و تێکچوونا رەوشا جڤاکی، ئابۆری و سیاسی دەربکەڤیت، دێ ل دووڤ رێبازا نێچیرڤان بارزانی چیت د وان سالێن حوکمێ خوە دا ژ سالا 2004ێ تا 2014ێ شیایە ڤەژاندنەکا بەرچاڤ د وارێ ئابۆری دا درۆست بکەت.
سەنتەرێ رەوابت یێ لێکۆلینێن ستراتیجی و سیاسی ل داویا بابەتێ خوە نێچیرڤان بارزانی سەرۆکوەزیرێ ھەرێما کوردستانێ ب یۆشیدا شیگرۆ سەرۆکوەزیرێ ژاپۆنێ ل قووناغا پشتی جەنگێ جیھانی یێ دویێ ناڤکریە کو ب رێبەرێ سەرکەفتنا ژاپۆنێ دھێت نیاسین.