سەرۆک بارزانی پەیامەک ئاراستەی مامۆستایێن ئۆلی کر

سەرۆک بارزانی پەیامەک ئاراستەیی شەشەمین کۆنگرەیێ ئێکەتییا زانایێن ئۆلێ ئیسلامێ یا کوردستانێ کر و گۆت: پێدڤی یە خەما وان یا سەرەکەی پاشەرۆژا وەلاتی و ھزرا گەنجان بیت.
سەرۆک مەسعوود بارزانی د پەیاما خوە دا داخوازا سەرکەفتنێ ژبۆ گێرانا شەشەمین کۆنگرەیا ئێکەتییا زانایێن ئۆلێ ئیسلامێ کر و گۆت: پشکا ھەرە مەزن یا شۆرەشێن کوردی بۆ بدەستڤەئینانا ئازادی و رزگاریێ ژ داگیرکاریێ ل سەر دەستێ زانا و کەساتیێن ئۆلی یێن گەلێ کوردستانێ بووینە، ئەو یەکەژی بخوە بەلگەیەکا رووھنە ل سەر پێگەھێ زانایێن ئۆلی د خەباتا گەلێ کوردستانێ دا.
سەرۆک بارزانی گۆت ژی: ئێکەتییا زانایێن ئۆلی ل پێناڤی دینداری و بەرژەوەندیێن نشتیمانی ھاتییە دامەزراندن و ژ مامۆستایێن ئۆلی خواست: ب بەرنامە و پرۆژەکێ تێر و تەسەل سەنگا وێ ئارمانجا پیرۆز بپارێزن.