نووچه
سائیروون و حكمه: حكومه‌تا رزگارییا نیشتیمانی كۆده‌تایه ل سه‌ر ده‌ستووری
هه‌ڤپه‌یمانییا سائیروون پێكئینانا حكومه‌تا رزگارییا نیشتیمانی ره‌خنه كر و ره‌وتا حكمه ژی ئه‌و یه‌ك كۆده‌تایا ل سه‌ر ده‌ستووری ب ناڤ كر.
پشتی داخوازییا ئه‌یاد عه‌لاوی سه‌رۆكێ هه‌ڤپه‌یمانییا وه‌ته‌نییه ژبۆ پێكئینانا حكومه‌تا رزگارییا نیشتیمانی وه‌ك چاره ژبۆ ره‌وشا نها یا ئیراقێ، ئه‌و بیرۆكه تووشی ره‌خنه‌یێن دژوار یێن ئالیێن ئیراقی بوویه.
هه‌ڤپه‌یمانییا سائیروون هه‌لوه‌ستێ خوه ل دۆر پێكئینانا حكومه‌تا رزگارییا نیشتیمانی راگه‌هاند و دیاركر، ئه‌و ل دژی وێ داخوازیێ نه.
ره‌وتا حكمه‌ت ژی ئه‌ڤرۆ راگه‌هاند؛ حكومه‌تا رزگارییا نیشتیمانی د ره‌وشێن هه‌ری ئاوارته دا دهێت پێكئینان و پێكئینانا وێ نها، دێ ب كۆده‌تا ل سه‌ر ده‌ستووری هێت هه‌ژمارتن.
