نووچه
سیستانی هۆشداری ژ پشتگوههاڤێتنا داخوازێن خوه‌نیشانده‌ران دانه عه‌بادی
لێڤه‌گه‌رێ شیعه‌یێن ئیراقێ و جیهانێ ئه‌ڤرۆ هۆشداری ژ پشتگوهـ هاڤێتنا داخوازیێن خوه‌نیشانده‌ران دان و خواست حكومه‌تا ئیراقێ هه‌ر زوو بهێت پێكئینان.
عه‌بدولمه‌هدی كه‌ربه‌لائی نوونه‌رێ ئایه‌توللا عه‌لی سیستانی د گۆتارا ئه‌ینیێ دا ل كه‌ربه‌لا گۆت: لێڤه‌گه‌را شیعی چه‌ندین جاران هۆشداری ژ ره‌وشا نها دابوونه ده‌ستهه‌لاتێ، گه‌ر خوه ل وه‌لاتییان نه‌كه‌نه خودان.
دیار ژی كر، پێدڤییه حكومه‌تا ده‌م ب سه‌رڤه چووی یا عه‌بادی هه‌ر زوو داخوازیێن خوه‌نیشانده‌ران بجهـ بینیت، حكومه‌تا نوو ژی ل سه‌ر بنه‌مایه‌كێ دروست بهێت پێكئینان.
خوه‌نیشاندانێن ئیراقێ ده‌ما 3 هه‌فتییانه به‌رده‌وامن، خوه‌نیشانده‌ران ب ده‌هان داخوازی یێن گرێدای باشكرنا خزمه‌تگوزارییان، هه‌روه‌ها كێمكرنا بێكاریێ و سزادانا به‌رپرسێن گه‌نده‌ل ئاراسته كرن.
