نێچیرڤان بارزانی بەرسڤا پرسیارێن وەلاتییان ددەت

نێچیرڤان بارزانی سه‌رۆكوه‌زیرێن هه‌رێما كوردستانێ، ب ڤیدیۆیەکا نوو و تایبەت بەرسڤا  پرسیارا گەنجەکێ باژارێ هەلەبجە ددەت.

سه‌رۆكوه‌زیرێن هه‌رێما كوردستانێ د  ڤیدیۆیەکا تایبەت و جودا دا، لکۆ د رووپەلا خوەیا تایبەت دا  ل سەر تۆرا جڤاکی یا فەیسبۆکی بەلاڤ کرییە، بەرسڤا گەنجەکێ هەلەبجە ددەت، ناڤێ وی گەنجی توانایە و ژ نێچیرڤان بارزانی دپرسیت، بۆچی جارەکێ سەرەدانا باژارێ هەلەبجە ناکەت؟

بارزانییێ سه‌رۆكوه‌زیر، د بەرسڤا وی گەنجی دا دبێژیت: “کاک توانا ئەز بەری نها ژی هاتیمە وهەلەبجە و  وەسا نینە بێژی من نەڤێت بهێمە هەلەبجە، هەلەبجە سەمبوولا بەرخوەدانا مللەتێ مەیە، من هەردەم گۆتییە هەلەبجە برینەکە نە ب تەنێ بۆ هەلەبجەییان بەلکۆ بۆ هەمی خەلکێ کوردستانێ ژی برینە، من بەری نوکە ژی سەرەدانا هەلەبجە کرییە و من کۆمەکا پرۆژەیان ژی ل هەلەبجە ڤەکرینە، هەلبەت دێ جارەکا دی ژی سەرەدانا هەلەبجە کەم و دێ هێمە وێرێ، بۆ من شانازییە بهێم وی باژاری ببینم و شانازییە دگەل خەلکێ وی باژاری کۆمببم، ب  پشتراستی ڤە دێ وێ چەندێ کەم.”