ئەمریکا.. کۆمپانیێن ئیراقی دەرمان فرۆتینە و پارە ل گرۆپێن تیرۆرستی خەرج کرینە

وەزارەتا دادا ئەمریکا راگەھاند؛ ئەو دەرمانێن وەکو ھاریکاری ل سالێن 2005 تا 2009ێ بۆ ئیراقێ چووین، ل بازارێن رەش ھاتینە فرۆتن و پارە بۆ کارێن تیرۆرستی ھاتینە مەزاختن.
وەزارەتا دادا ئەمریکا گۆمان ل سەر وێ یەکێ ھەیە کو ھندەک کۆمپانییان دەرمان بێ بەرانبەر داینە ئیراقێ و زانییە کو ئەو دەرمان ل بازارێن رەش دھێنە ‌فرۆتن و پارێ وان بۆ کارێن تیرۆرستی ھاتیە خەرجکرن.
د دۆسەیا لێکۆلینێ دا ئاشکرا بوویە، وەزارەتا ساخلەمییا ئیراقێ بۆ ھێرشکرن و ب قاچاغبرنا چەکی و کۆمکرنا زانیارییان ھاتیە بکارئینان، کارمەندێن وێ وەزارەتێ ژی رۆلەکێ بەرچاڤ د ناڤا سوپایێ مەھدی یێ سەر ب سەدری ڤە ھەبوویە، کو واشنتۆنێ ئەو سوپا ب کوشتنا ب ھزاران کەسان د ناڤبەرا سالێن 2005 و 2009ێ دا تۆمەتبار دکەت.