دكتور عه‌لى ته‌ته‌ر ئه‌ندامێ به‌رپرسێ لقێ 8 دگه‌ل دا شانده‌ك ژ كاركێریا لقێ ناڤبرى سه‌ره‌دانا سه‌ندیكا هونه‌رمه‌ندێن زاخو كرن
ئه‌ڤرو دكتور عه‌لى ته‌ته‌ر ئه‌ندامێ سه‌ركردایه‌تیا پارتى دیموكراتى كوردستان و به‌رپرسێ لقێ 8 یێ پارتى و دگه‌ل دا شانده‌ك ژ كاركێریا لقێ ناڤبرى سه‌ره‌دانا سه‌ندیكا هونه‌رمه‌ندێن زاخو كرن، و د دیداره‌كێ دا و ب به‌رهه‌ڤبوونا ئه‌ڤین حسێن به‌رپرسا سه‌ندیكا هونه‌رمه‌ندێن كوردستانێ لقێ دهوكێ، دكتور عه‌لى ته‌ته‌ر ئاماژه دا وێ یه‌كێ كو هونه‌ر و هونه‌رمه‌ند پێناسه‌یا ملله‌تانه و ئه‌م ژى وه‌ك و پارتى و پاشى ملله‌ت ژى شانازیێ ب شیان و كارێن هونه‌رى یێن كچ و كورێن خوه دبه‌ین و نه‌خاسمه ل زاخو ب كانیا هونه‌رى دهێته نیاسین و هونه‌رمه‌ندان روله‌كێ ئێكجار گرنگ گێرایه د هه‌مى بوون و ئاهه‌نگێن نه‌ته‌وه‌یى و جڤاكى ژى دا، ژ ئالیێ خوه ڤه مهدى منیر به‌رپرسێ سه‌ندیكا هونه‌رمه‌ندێن زاخو سوپاسیا دكتور عه‌لى ته‌ته‌ر به‌رپرسێ لقێ 8 كر و ژ به‌ر مه‌زاختنا تێچوویێ ل نویژه‌نكرنا ئاڤاهیێ ل سه‌ندیكا وان هاتییه مه‌زاختن ل سه‌ر كیستێ لقێ پارتى بوویه و هه‌روه‌سا كه‌ل و په‌لێن د ناڤ ئاڤاهى ژى دا بو وان هاتینه دابین كرن و مهدى منیرى ته‌كه‌ز كر ژى، كو دكتور عه‌لى عه‌لى پشته‌ڤانێ هونه‌ر و هونه‌ر مه‌ندانه ل زاخو ئه‌م پشته‌ڤانى و مه‌ردینیا لقێ 8 چو جاران ژ بیرناكین ل هه‌مى ده‌لیڤه‌یێن پێدڤى مه ب مالا خوه زانییه و ده‌ستێ مه گرتییه، ل دوماهیێ دكتور عه‌لى گوت، ئه‌م هه‌مى ده‌م و گاڤه‌كێ به‌رهه‌ڤین هاریكارییا هونه‌رمه‌ندێن خوه بكین لدویف ئه‌و شیانێن مه هه‌ین و دێ به‌رده‌وام ژى بین
