به‌رپرسێ لقێ هه‌شت پیشوازى ل چالاكڤانا مه‌غربى و یا ب ره‌گه‌ز ئه‌مازیغى مه‌لیكه‌ مه‌زان كر

ئه‌ڤرو دكتور عه‌لى ته‌ته‌ر ئه‌ندامێ جڤاتا سه‌ركردایه‌تیێ و به‌رپرسێ لقێ هه‌شت یێ پارتى دیموكراتى كوردستان و ب به‌رهه‌ڤبوونا هه‌ژماره‌ك ژ كارگێرێن لقێ،   كو پشته‌ڤانه‌كا دیارا كێشا گه‌لێ كورده‌، وێ چالاكڤانێ كه‌یفخوه‌شیا خوه‌ ده‌ربرى بو وێ پێشكه‌فتنا ل هه‌رێما كوردستانێ هاتیه‌ دیتن، به‌رپرسێ لقى َهه‌شت یێ پارتى ژى خوه‌شحالیا خوه‌ ب سه‌ره‌دانا ناڤهاتیێ دیاركر و چه‌نده‌كێ ژى به‌حسێ په‌یوه‌ندیێن كورد و ئه‌مه‌زیغییان و خالێن وه‌كهه‌ڤ یێن دناڤبه‌را هه‌ردوو گه‌لێن دوست دا كرن، هه‌ژى گوتنێ یه‌ مه‌لیكه‌ مه‌زان پشته‌ڤانه‌كا بهێز یا پێشمه‌رگه‌یى و گه‌لێ كوردستانێ یه‌ و پێشى چه‌ند روژان بو ئێكه‌م جار قه‌ستا هه‌رێما كوردستانێ كرییه‌ و ژلایێ سه‌روك بارزانى ڤه‌ هاتبوو پێشوازیكرن و هه‌ر د به‌رده‌وامیێن سه‌ره‌دانێن خوه‌دا سه‌نگه‌رێن پێشمه‌رگه‌ى ژى ل چه‌ندین ده‌ڤه‌ران بسه‌ركرینه‌