مایک پۆمپێیۆ و نێچیرڤان بارزانی پێکئینانا حکومەتا نوو یا ئیراقێ گۆتوبێژ کر

وەزیرێ دەرڤە یێ ئەمریکا شڤێدی پەیوەندی ب سەرۆکوەزیرێ ھەرێما کوردستانێ کر و ھەردو ئالیان ژمارەکا پرسێن ناڤخوە و ھەرێمی گۆتوبێژ کرن.
ل گۆرەی راگەھاندنەکا حکومەتا ھەرێمێ، مایک پۆمپێیۆ و نێچیرڤان بارزانی د پەیوەندیەکا تێلەفۆنی دا داوی پێشھات و سەرکەفتنێن ھێزێن ئیراقی و پیشمەرگەی ل سەر داعشێ ل دەڤەرێ و گاڤێن پێکئینانا کابینەیا نوو یا حکومەتا ئیراقێ گۆتوبێژ کر.
ھەروەسا بەحس ل داخوازیێن خوەنیشاندەرێن ئیراقێ ژی کر و ھەردو ئالیان تەکەزی ل جێبجێکرنا داخوازیێن وەلاتیان کر و بەردەستکرنا ژیانەکا باشتر بۆ وەلاتیێن ئیراقێ.
نێچیرڤان بارزانی و مایک پۆمپێیۆ د بەشەکێ دی یێ پەیوەندیێ دا پرسا قوربانیێن دەستێ تیرۆرێ و ئەو کەسێن ژ دەستێ داعشێ رزگار بووین ب تایبەت کوردێن ئێزدی و کریستیانان گۆتوبێژ کریە.