فرۆکەڤانێ ئەردۆغان قۆرتال کری ھات دەستەسەرکرن

فرۆکەڤانێ شەڤا کۆدەتایا تیرمەھا سالا 2016ێ ل تورکیا سەرۆککۆمار قۆرتال کری، ھاتە دەستەسەرکرن.
د شەڤەکا پری روودان دا ل تورکیا، یوونس بویرس یێ ب فرۆکەیا خوەیا ئێف 16 فرۆکەیا رەجەب تەیب ئەردۆغان، سەرۆککۆمارێ تورکیا پاراستی تا ل فرۆکخانەیا ئەتاتورکی ل ستەنبولێ دادای، وێ شەڤێ ب قارەمان ھاتە ب ناڤ کرن، لێ ھێزێن ئێمناھیێ ب گۆمانا دەستھەبوونێ د کۆدەتایێ دا، شڤێدی دەستەسەرکر.
بویرس و برایێ وی یێ جێمک کو ئەو ب خوە ژی فرۆکەڤانە و ھەردو د ناڤا ھێزا پلنگێن ئاسمانی دا ل بنگەھێ بالیک سیر ل ژێر فەرماندارییا ناتۆیێ کار دکەن.
ل گۆرەی راپۆرتەکا رۆژنامەیا سەباح یا حکومی، دادگەھێ برایێ مەزنێ وان ھەردو جێمکان، ئیبراھیم بویرس ب پشکدارییا کۆدەتایێ دا تۆمەتبار کرییە، ژبەرکو پشکداری د کۆمبوونا کۆدەتاچییان دا کرییە، ژبەر وێ یەکێ ژی ھەردو برایێن جێمک ب تۆمەتا ئەندامبوونا تەڤگەرا گویلەنی ھاتن دەستەسەرکرن.