سەرۆکوەزیر بارزانی و مەکگۆرکی پێکئینانا حکومەتا نوو گۆتووبێژ کر

سەرۆکوەزیرێ ھەرێما کوردستانێ و ھنارتیێ تایبەتێ سەرۆکێ ئەمریکا د ھەڤپەیمانییا نێڤدەولەتی یا ل دژی داعشێ دا کۆم بوون و پێکئینانا حکومەتا نوو یا ئیراقێ گۆتووبێژ کر.
نێچیرڤان بارزانی، سەرۆکوەزیرێ ھەرێما کوردستانێ ئەڤرۆ پێشوازی ل برێت مەکگۆرک، ھنارتیێ تایبەتێ سەرۆکێ ئەمریکا بۆ ھەڤپەیمانییا نێڤدەولەتی یا ل دژی داعشێ کر، د ھەڤدیتنەکێ دا ب پشکدارییا بالیۆزێ ئەمریکا ل ئیراقێ و کۆنسۆلێ وێ ل ھەرێما کوردستانێ، گۆتووبێژ ل سەر داوی پێشھاتێن دەڤەرێ و دانوستاندنێن ئالیێن سیاسی یێن ئیراقی و ھەرێما کوردستانێ یێن پێکئینانا حکومەتا نوو یا ئیراقێ کرن.
شاندا ئەمریکی رۆلێ ھەرێما کوردستانێ د دانوستاندنێن پێکئینانا حکومەتا نوو یا ئیراقێ بلند نرخاند، ھەردو ئالیان هەروەسا باس ل ئەنجامێن کۆمبوونێن شاندێن ھەڤپەیمانیێن جودا یێن ئیراقێ ل گەل ئالیێن سیاسی یێن کوردستانی و رەوشا ئێمناھییا دەڤەرێ کر.