نووچه
پارتی دێ بریارا دوماهیێ ل دۆر هه‌لبژارتنێن هه‌رێمێ ده‌ت
بریاره ئه‌ڤرۆ مه‌كته‌با سیاسی یا پارتییا دیموكرات یا كوردستانێ كۆمببیت و بریارا دوماهیێ ل دۆر هه‌لبژارتنێن هه‌رێمێ ده‌ت.
ژێده‌ره‌كی ژ مه‌كته‌با سیاسی یا پارتی بۆ وار گۆت: ئه‌ڤرۆ مه‌كته‌با سیاسی، دێ ب سه‌رپه‌رشتییا سه‌رۆك مه‌سعوود بارزانی، كۆمبیت و مژارێن سه‌ره‌كی یێن كۆمبوونێ ژی، هه‌لبژارتنێن په‌ڕله‌مانێ كوردستانێ و پێكئینانا حكومه‌تا نوو یا ئیراقێ یه.
گۆت ژی: پارتی دێ به‌حسا ئاماده‌كاریێن خوه ژبۆ هه‌لبژارتنێن هه‌رێمێ كه‌ت، هه‌روه‌سا هه‌لوه‌ستێ خوه ل دۆر كرنا هه‌لبژارتنان ئێكلاكه‌ت و بریارا دوماهیێ ده‌ت.
هه‌روه‌سا د كۆمبوونێ دا، پارتی دێ سه‌ره‌دانا شاندێن ئیراقی و گاڤێن پێكئینانا حكومه‌تا نوو یا ئیراقێ و پشكدارییا كوردان تێدا، به‌حس كه‌ت.
