به‌رپرسێ لقێ 8 پێشوازى ل راگرێ كولیژا سه‌ربازى یا زاخو كر

ئه‌ڤرو دكتور عه‌لى ته‌ته‌ر ئه‌ندامێ سه‌ركردایه‌تى و به‌رپرسێ لقێ 8 یێ پارتى دیموكراتى كوردستان پێشوازى ل لیوا نه‌زیر راگرێ كولیژا سه‌ربازى یا زاخو كر، كو ناڤبرى دگه‌ل شانده‌كێ سه‌ربازى یێن ئه‌كادیمى ب مه‌ره‌ما پیروزكرنا جه‌ژنا قوربانى سه‌ره‌دانا لقێ 8 یێ پارتى كربوون، د دیداره‌كێ دا به‌حسێ رولێ ئه‌كادیمى و سه‌رده‌میانه‌ یێ كولیژا سه‌ربازى یا زاخو هاته‌ كرن، و دكتور عه‌لى ته‌ته‌ر روناهى ئێخسته‌ سه‌ر وان مفایێ ژ وان قه‌هره‌مانان هاتیه‌ وه‌رگرتن یێن زانستێن سه‌ربازى ل ڤێ ئه‌كادیمیێ خواندین د شه‌رێ ده‌مێ بوورى دا دیسان دیار ژى د شه‌رێ دژى تیروریستێن داعشێ دا ده‌رچووێن كولیژا ناڤبرى روله‌كێ به‌رچاڤ د پاراستنا ئاخ و كه‌رامه‌تا گه‌لێ كوردستانێ دا گێران و لیوا نه‌زیرى ژى ژ ئالیێ خوه‌ ڤه‌ سوزدا ل سه‌ر رێبازا بارزانیێ باب و دگه‌ل پێشكه‌فتنا ڤى سه‌رده‌مى كادرێن سه‌ربازى بو به‌ره‌ڤانیا كوردستانێ به‌رهه‌م بینن و بێخن د خزمه‌تا گه‌ل و ولاتێ خوه‌ دا