دێ پێگەھێن ئیرانێ ل ئیراقێ ژی کەینە ئارمانج

وەزیرێ بەرگرییا ئسرائیلێ گەفێن ھێرشکرنێ لسەر پیگەھێن ئیرانێ دناڤا ئاخا ئیراقێ دا کرن و راگەھاند؛ مینا ل سووریێ ئەگەرکێ مەزن ھەیە ل ئیراقێ ژی پێگەھێن ئیرانێ بکەینە ئارمانج.
ئەڤیگدۆر لیبەرمان، د پرێسکۆنفرانسەکێ دا ل تەلئەڤیڤێ دەربارەی لڤینێن سەربازی یێن ئیرانێ ل دەڤەرێ راگەھاند؛ بەردەوام ئەو لسووریێ چاڤدیرییا لڤین و ھەموو بزاڤین ئیرانی دکەن و بەردەوام ژی ئەو دێ رێگریێ ل ھەر لڤینەکا وان کەن.
د بەرسڤدانا پرسیارەکێ دەربارەری ئەگەرێ ئارمانجکرنا پێگەھێن ئیرانێ ل ئیراقێ ژی وەزیری بەرگرییا ئسرائیلێ ئاشکەرا کر، تەلئەڤیڤێ پێشتر راگەھاندییە ل ھەرجھەکێ کێ گەفا ئیرانێ لسەر ھەبیت دێ لھمبەر راوەستن، و گۆت، مینا ل سووریێ ئەگەرکێ مەزن ھەیە ل ئیراقێ ژی پێگەھێن ئیرانێ بکەینە ئارمانج.