نووچه
نێچیرڤان بارزانی و بالیۆزا نه‌رویج یا ئیراقێ كۆم بوون
سه‌رۆكوه‌زیرێ هه‌رێما كوردستانێ، ل گه‌ل بالیۆزا نه‌رویج یا ئیراقێ كۆم بوو و پێكئینانا حكومه‌تا نوو و په‌یوه‌ندیێن هه‌رێم و نه‌رویج گۆتوبێژ كرن.
ل گۆره‌یی مالپه‌رێ حكومه‌تا هه‌رێمێ، ئه‌ڤرۆ ل هه‌ولێرێ، نێچیرڤان بارزانی، سه‌رۆكوه‌زیرێ هه‌رێما كوردستانێ، پێشوازی ل تۆنی ئه‌لێرس، بالیۆزا نه‌رویج یا ئیراقێ و شانده‌كا ل گه‌ل كر و به‌حس ل په‌یوه‌ندیێن هه‌ردو وه‌لاتان و چه‌وانییا پێشڤه‌برنا وان كر، هه‌روه‌سا رۆلێ هه‌لوه‌ستێ هه‌رێما كوردستانێ ده‌رباره‌یی پرۆسه‌یا سیاسی یا ئیراقێ، گۆتوبێژ كر.
د ئالیه‌كێ دی یێ كۆمبوونێ دا، شاندا نه‌رویجی په‌سنا رۆلێ هه‌رێما كوردستانێ د پێشوازیكرنا ئاواره‌یان دا كر و به‌رده‌وامییا پشته‌ڤانی و هاریكارییا وه‌لاتێ خوه ژی، بۆ كوردستانێ دوپات كر.
