به‌رپرسێ لقێ8 هه‌ژماره‌كا پروژێن خزمه‌تگوزارى بسه‌ركر
محه‌مه‌دسدیق
ئه‌ڤرو دكتور عه‌لى ته‌ته‌ر ئه‌ندامێ جڤاتا سه‌ركردایه‌تیێ و به‌رپرسێ لقێ 8 یێ پارتى دیموكراتى كوردستان دگه‌ل بژار مونیب سه‌روكێ باژێرڤانیا زاخو سه‌ره‌دانا هژماره‌كا پروژێن گرنگ یێن سنورێ قه‌زا زاخو كرن و ژ نزیك ل سه‌ر ره‌وشا برێڤه‌چوونا وان پروژان ئاگه‌هاداربوون، كو ژ وانا جاده‌كا 900 مێترى ل تاخێ تلكه‌به‌رێ و چێكرنا پاركه‌كێ ل تاخێ ئازادى و جاده و سولینێن تاخێ زاگروس و و چه‌ند دیوارێن پالپشت بو تاخێ پێشمه‌رگه و جاده‌كێ ل تاخێ هیزل و قیركرنا جاده‌كێ ل تاخێ بارزان و سه‌خبێركرنا جادا پشت ئاگرڤه‌مراندنێ ل زاخو سه‌خبیریكرنا جادا پێشه‌سازى تا پرا سێمالكا و هه‌روه‌سا صه‌بكرنا شوسته‌یێن ده‌روازا زاخو و چێكرنا جادان ل تاخێ ئه‌رده‌وان و چێكرنا جاده‌كێ ب فره‌هیا 20 مێتران ل تاخێ بارزان و چێكرنا جادا ل تاخێ ئه‌یاز، كو سه‌رجه‌مێ تێچویێ ڤان پروژان چوارملیار و چوارسه‌د پێنجى و پێنج ملیون و چل و شه‌ش هزار و سه‌د دینارن، سه‌ره‌راى ده‌ستخوه‌شى لێكرنێ كو د سالێن قه‌یرانێ دا باژێرڤانیا زاخو بێ راوه‌ستیان كار و خزمه‌ت پێشكێشى وه‌لاتیان كرییه، داخواز ژ باژێرڤانیا زاخو كر پتر شیانێن خوه بێخنه كارى بو خزمه‌تكرنا خه‌لكێ زاخو و پاقژى و ئاڤه‌دانكرن و جوانیا زاخو زێده‌تر پێشچاڤ وه‌ربگرن
