سەرۆک بارزانی پشتەڤانییا خوە بۆ خوەنیشاندەرێن بەسرا راگەھاند
سه‌رۆك مه‌سعوود بارزانی، د په‌یامه‌كێ دا پشته‌ڤانییا خوه بۆ خوه‌نیشانده‌رێن به‌سرا راگه‌هاند و دیار كر، جهێ حێبه‌تییێ یه، خه‌لكێ زه‌نگینترین باژارێ جیهانێ ئاڤا ڤه‌خوارنێ نه‌بیت.
سه‌رۆك مه‌سعوود بارزانی، ئه‌ڤرۆ په‌یامه‌ك ئاراسته‌یی خه‌لكێ به‌سرا كر و سه‌ره‌خوشیێ ل كه‌سوكارێن قۆربانیێن خوه‌نیشاندانێن چه‌ند رۆژێن بووری كر و گۆت: خه‌لكێ به‌سرا ژ هه‌ژی ژیانه‌كا خوه‌شترنی و چ به‌هانه بۆ پشتگوهخستنا خه‌لكێ به‌سرا نینن، ژبه‌ركو جهێ حێبه‌تییێ یه خه‌لكێ زه‌نگینترین باژارێ جیهانێ ئاڤا ڤه‌خوارنێ نه‌بیت.
سه‌رۆك بارزانی دا زانین، داخوازییێن خه‌لكێ به‌سرا ژ مافێن ده‌ستپێكی یێن ژیانێ نه، لێ پێدڤییه خوه‌نیشاندانێن ئاشتیانه و دوور ژ توندوتیژیێ بهێنه كرن.
سه‌رۆك بارزانی دیار ژی كر، ئه‌و چ جاران رێز و ڤیانا خه‌لكێ به‌سرا ژبیر ناكه‌ن، ده‌ما ل ڤه‌گه‌ریانا مه‌لا موسته‌فا بارزانی ژ ئێكه‌تییا سوفیه‌ت، پێشوازیه‌كا مه‌زن ل بارزانی و هه‌ڤالێن وی كر، نها ژی، گه‌لێ كوردستانێ بۆ هه‌ر هاریكاریه‌كا خه‌لكێ به‌سرا ئاماده‌یه.
