سه‌رۆك بارزانى په‌يامه‌كێ ل دۆر پۆستێ سه‌رۆك كۆمارا عيراقێ به‌لاڤ دكه‌ت
سه‌رۆك مه‌سعود بارزانى ئه‌ڤرۆ دوشه‌مبى 24/9/2018 ل دۆر پۆستێ سه‌رۆك كۆمارا عيراقێ يێ بهێت، رۆهنكر كو پارتى به‌ربژارێ خوه بۆ وى پۆستى يێ ده‌ستنيشانكرى.
سه‌رۆك بارزانى دپه‌ياما خوه دا راگه‌هاند” ل دۆر دياركرنا به‌ربژارێ پارتى ديموكراتى كوردستان بۆ پۆستێ سه‌رۆك كۆمارا عيراقێ، مه پێخوه‌ش بوو هه‌كه لايه‌نێن كوردستانى پێكڤه ل سه‌ر ئيك كه‌س رێككه‌فتبان، به‌لێ مخابن ئه‌ڤه روو نه‌دا، بۆ ئێكلاكرنا وى بابه‌تى ژى مه‌كته‌با سياسى يا پارتى ئه‌ز سه‌رپشك كرم كو كه‌سه‌كى دياربكه‌م بۆ به‌ربژاركرنا وى بۆ پۆستێ سه‌رۆك كۆمارى، ژبه‌ر شيان ولێهاتنا وى من ب باشى زانى د. فوئاد حسێن بۆ وى پۆستى به‌ربژار بكه‌م”.
سه‌رۆك بارزانى زێده‌تر گۆت” د. فوئاد حسێن ل قۆناغا شۆره‌شا ئه‌يلوولێ ول سه‌رۆكايه‌تيكرنا ديوانا سه‌رۆكايه‌تيا هه‌رێما كوردستانێ وقۆناغێن دى يێن ژيانا خوه كه‌سه‌كێ دلسۆز وده‌ستپاك بوو ومن باوه‌ريه‌كا تمام ب شيانێن وى يا هه‌ى ومن قه‌ناعه‌ت ژى يا هه‌ى كو دێ ئه‌ركێن خوه ب باشى بجهئينيت دپۆستێ سه‌رۆكاتيا كۆمارێ دا هه‌م بۆ گه‌لێ كوردستانێ وهه‌م بۆ عيراقێ وپێكهاتێن عيراقێ دێ كه‌سه‌كێ ب مفا وخه‌مخۆر بيت”.
ل دووماهيا په‌ياما خوه، سه‌رۆك بارزانى دبێژيت” ب هه‌موو شيانان دێ پشته‌ڤانيێ ل د. فوئاد حسێن كه‌ين وهيڤيا سه‌ركه‌فتنێ بۆ دخوازين”.
