ب ديتنا خه‌لكێ زاخۆ، كوردینى، مێرینى دهێته بیرا مرۆڤى
ب ئاماده‌بوونا سه‌رۆك مه‌سعوود بارزانى، د بانگه‌شه‌یا ئه‌ڤرۆیا پارتى دیمۆكراتى كوردستان دا ل باژێرێ زاخۆ ب ئاماده‌بوونا ده‌هان هزاران جه‌ماوه‌رێ پارتى، سه‌رۆك بارزانى د گۆتاره‌كێ دا خؤشحالييا خوه ده‌ربڕى كو جاره‌كادى چاڤێن وى ب دیتنا خه‌لكێ زاخۆ رۆهن بوون، گۆت ژى، وه‌ختێ مرۆڤ دهێته زاخۆ، كوردینى، مێرینى، وه‌فا و دلسۆزى دهێته بیرا مرۆڤى، گۆت ژى: گه‌ر سالێ جاره‌كێ ژى ئه‌ز خه‌لكێ زاخۆ ببینم، ئه‌ز شه‌حن دبم.
هه‌روه‌سا سه‌رۆك مه‌سعوود بارزانى راگه‌هاند، پار وه‌كى ڤان رۆژان هه‌وه دیرۆكه‌ك تۆماركر، و باوه‌رم ل 30 ى ئیلۆنێ ژى دێ دیرۆكه‌كا دى یا پڕ سه‌روه‌رى بۆ خوه و حزبا خوه تۆمار كه‌ن،
هه‌روه‌سا سه‌رۆك بارزانى خۆیاكر ژى كو هه‌لبژارتنێن ئیراقێ د گرنگ بوون، هه‌میان هزر دكر دێ پارتى هێته سزادان، لێ ب هیممه‌تا خه‌لكێ زاخۆ، پارتى بۆ حزبا ئێكێ لسه‌ر ئاستێ ئیراقێ، و هه‌مییان زانى پارتى هژماره‌كا زۆرا مه‌زنه و بێى پارتى بڕیار ناهێنه دان.
سه‌رۆك بارزانى دیاركر ژى كو ئه‌و دترسییان فه‌رهه‌نگا دورستكرنا دژاتیا گه‌لێ كورد سه‌ربگریت، لێ خه‌لكێ ئیراقێ ئه‌و لایه‌ن سزادان یێن ئه‌و بزاڤ دكرن و ئه‌ڤه بۆ ئه‌گه‌ر ده‌رگه‌هێ چاره‌كرنا كێشه‌یالن بهێته ڤه‌كرن،
سه‌رۆك بارزانى راگه‌هاند، نه ئه‌ز و نه چ نڤیسه‌ر و هوزانڤان گه‌له‌ك بزحمه‌ته بشێن ده‌رهه‌قێ خه‌لكێ زاخۆ ده‌ركه‌ڤن و گۆتژى، زاخۆ پێشه‌نگه بوو دشه‌رێ داعشێ دا.
