3 ملیۆن و 85 ھزار دەنگدەر دێ پشکداری ھەلبژارتنان بن
کۆمسیۆنا بلندا سەربخۆیا ھەلبژارتن و راپرسییان ل ھەرێما کوردستانێ راگەھاند؛ سێ ملیۆن و ھەشتێ و پێنج ھزار دەنگدەر دێ پشکداری پرۆسا ھەلبژارتنێن سیھی ئیلوونێ بن.
کۆمسیۆنا بلندا سەربخۆیا ھەلبژارتن و راپرسییان ل ھەرێما کوردستانێ ئامارا گشتی یا ھەلبژارتنێن سیھی ئیلۆنێ بەلاڤکر و ل گۆری وێ، سێ ملیۆن و ھەشتێ و پێنج ھزار دەنگدەر دێ پشکداری پرۆسێ بن.
مەزنترین رێژەیا دەنگدەران ل پارێزگەھا سلیمانیێ یە کو ملیۆنەک و سەد و نۆت و شەش دەنگدەر ھەنە، پارێزگەھا ھەولێرێ ژی ژ ملیۆنەک و سەد و نەھـ دەنگدەران پێکدھێت، ھەروەھا ل دھوکێ ژی حەفتسەد و یازدە ھزار و دوسەد و ھەژدە دەنگدەر ھەنە ل پارێزگەھا حەلەبچە ژی پتری شێست و ھەشت ھزار کەسان مافێ دەنگدانێ ھەیە.
ئامارا کۆمسیۆنێ ئاماژە کرییە، ل سەرانسەری کوردستانێ ھزار و سێسەد و پێنجی و نەھـ بنگەھێن دەنگدانێ ھەنە کو شەش ھزار و چارسەد و دوازدە وەستگەھـان ب خوەڤە دگرن.
