ل سه‌ر ژمارا 183 په‌یوه‌ندیێ ب نێچیرڤان بارزانی بكه
جێگرێ سه‌رۆكێ پارتی ئه‌ڤرۆ په‌یامه‌كا ریكۆرد كری ب رێیا كۆمپانییا كۆره‌ك تیلیكۆم به‌لاڤكر و تێدا ژ گه‌لێ كوردستانێ خواستییه، ل 30ی ئیلۆنێ قه‌ستا سندۆقێن ده‌نگدانێ بكه‌ن.
نێچیرڤان بارزانی ئه‌ڤرۆ ب رێیا كۆمپانییا كۆره‌ك تیلیكۆم په‌یامه‌كا ریكۆرد كری ئاراسته‌ی گه‌لێ كوردستانێ كر و تێدا خواستییه ل رۆژا ئێكشه‌مبێ 30ی ئیلۆنێ، خه‌لك قه‌ستا سندۆقێن ده‌نگدانێ بكه‌ن ژبۆ هه‌لبژارتنا حكومه‌ته‌كا بهێز، ده‌نگی ب لیستا پارتی بده‌ن.
په‌یاما نێچیرڤان بارزانی ب رێیا ژماره 183 كو ژمارا لیستا پارتی دیمۆكراتی كوردستانه، وه‌كو كورته نامه ژبۆ هێلێن وه‌لاتییان هاتییه هنارتن، پشتی لێدانا وێ ژمارێ، نێچیرڤان بارزانی ب سلاڤێ ده‌ست پێ دكه‌ت و دئاخڤیت.
نێچیرڤان بارزانی دبێژیت: ئه‌ز نێچیرڤان بارزانی مه، جێگرێ سه‌رۆكێ پارتا دیمۆكراتا كوردستانێ، پشتی هه‌لبژارتنا رۆژا ئێكشه‌مبێ، هه‌رێما كوردستانێ پێدڤی ب حكومه‌ته‌كا ئارام و ئێكگرتی هه‌یه، له‌و هه‌ر ده‌نگه‌ك بۆ پارتی وێ ئارامیێ زێده‌تر لێ دكه‌ت.
نێچیرڤان بارزانی ل داوییا په‌یاما خوه ژی دوپاتی ل پشكدارییا هه‌موو خێزانێ د ده‌نگدانێ دا كرییه.
