به‌رپرسێ لقێ8 پشته‌ڤانیا خوه‌ بو وه‌رزشا زاخو دیاركر

محه‌مه‌دسدیق
ئه‌ڤرو دكتور عه‌لى ته‌ته‌ر ئه‌ندامێ جڤاتا سه‌ركردایه‌تیێ و به‌رپرسێ لقێ هه‌شت یێ پارتى دیموكراتى كوردستان، پێشوازى ل شانده‌كێ وه‌رزشڤان و یاریزانێن باژێرێ زاخو كر كو پێكهاتیبوون ژ یانه‌یا زاخو یا باسكت بولێ ئه‌وا به‌شدار د قاره‌مانیا عیراقێ و تیما یانا زاخو یا ته‌پا پێ ئه‌وا به‌شدار د خولا هه‌رێمێ دا، د روینشتنه‌كێ دا به‌رپرسێ لقێ هه‌شت گوهداریا گله‌ و ئاریشه‌یێن شاندێ مێهڤان كر و دیتنا رێگه‌چاره‌یه‌كا گونجایى بو چاره‌سه‌ركرنا گرفتێن دكه‌ڤنه‌ درێكا وه‌رزشا ده‌ڤه‌رێ دا به‌حسكرن، هه‌روه‌سا به‌رپرسێ لقێ هه‌شت پشته‌ڤانیا خوه‌ بو شاندێ مێهڤان دیاركر ژبو پێشڤه‌برنا ره‌وشا وه‌رزشا زاخو