حدکا شەھیدبوونا 2 پێشمەرگەیێن خوە پشتراست کر

حزبا دیمۆكراتا كوردستانا ئیرانێ، بەرپرسیارییا خوە ژ ھێرشا دوھی یا کرمانشانێ راگەھاند و شەھیدبوونا دو پێشمەرگەیێن خوە ژی پشتراست کر.
حزبا دیمۆکرات یا کوردستانا ئیرانێ، حدکا د راگەھاندنەکا نڤیسکی دا بەرپرسیارییا پێشمەرگەیێن خوە ژ ھێرشا دوھـی یا ل سەر سوپایێ رژێما ئیسلامی یا ئیرانێ ل دەڤەرا بیمیر یا پارێزگەھا کرمانشانێ یا رۆژھەلاتێ کوردستانێ راگەھاند و دیار کر کو شەر و پەڤچوونێن دژوار د ناڤبەرا پێشمەرگەیان و پاسداران دا روودان و سێ ساتان ڤەکێشا.
حدکا دیار کر ژی: پێشمەرگەیان سێ پاسدارێن سوپایێ ئیرانێ د شەر و پەڤچوونان دا کوشتن و سوپایی پشتی شەری رێكێن وێ دەڤەرێ گرتن و د خالەکا پشکنینێ دا وەلاتییەکێ سڤیل کو ژ بۆ سەیرانێ ل وێرێ بوو، دا بەر گوللـەیان و شەھید کر، ھەروەها دو پێشمەرگە د شەر و پەڤچوونان دا شەھید بوون.