دزەیی: حکومەت دێ ھاریکاریێ د ڤەگەراندانا قووربانیێن دەریا ئیجە دا کەت

پەیڤدارێ حکومەتا ھەرێما کوردستانێ راگەھاند؛ حکومەت دێ ھاریکاریێ د ڤەگەراندنا قووربانیێن دەریا ئیجە دا کەت.
سەفین دزەیی، د داخویانییەکێ دا بۆ مالپەرێ حکومەتا ھەرێمێ راگەھاند؛ سەرباری پرسێن سەرەخوشی، دلگرانی، ھەڤسۆزی و ھەڤخەمیێ بۆ مالبات و کەسوکارێن قووربانیین دەریا ئیجە حکومەتا ھەرێمی ھەر ژ دەستپێکا روودانێ دیڤچوونەکا ھوویر لسەر وی بابەتی کریە.
سەفین دزەیی دوپات کر، حکومەتا ھەرێمێ بەردەوام د گەل بەرپرسێن تورکیا د پەیوەندییان دایە و ھەموو بزاڤ و ھاریکارییان ژی دێ کەت ژبۆ ڤەگەراندنا تەرمێن وان قووربانییان بۆ ھەرێمێ.