پیلانا 16 ئۆكتۆبه‌رێ مەزنترین خیانه‌ت بوو ل مافێ چاره‌نڤیسێ کوردان هاتیە کرن
مه‌سرور بارزانى، راوێژكارێ جڤاتا ئاسایشا هه‌رێما كوردستانێ راگه‌هاند، کو 16 ئۆكتۆبه‌رێ مەزنترین خیانه‌ت بوو، ل گەلێ کوردستانێ هاتیە کرن.
مەسرور بارزانی ل بەرپەرێ خوە یێ تۆرا جڤاکی یا فەیسبووكی دا پەیامەک دەربارەی خیانەتا 16 ئۆكتۆبەرێ ب زمانێ كوردی ب هەردو شێوەزارێن سۆرانی و كرمانجی، ل گەل زمانێن عەرەبی، توركی و ئینگلیزی بەلاڤە كریە.
د پەیاما راوێژكارێ جڤاتا ئاسایشا هه‌رێما كوردستانێدا هاتیە، کو پیلانا 16 ئۆكتۆبه‌را 2017 مەزنترین خیانه‌ت بوو ل مافێ چاره‌نڤیسێ نه‌ته‌وه‌کێ زولم لێکری هاتیە کرن، به‌لێ د هه‌مان دەمدا روویێ راسته‌قینه یێ خیانه‌تكاران دیارکر و ئاخفرۆش ژ نیشتمانپه‌روه‌ران جۆداکرن.
مەسرور بارزانی هیڤی خواستیە کو خه‌لکێ كوردستانێ و ئاشتیخواز راستییان ژ‌بیر نه‌كه‌ن و ئێدی رێکێ نه‌ده‌ن بۆ پۆست و پلەیان، یاری ب ژیان و چاره‌نڤیسێ وان بهێته کرن.
