ئەمریکا پشتەڤانییا خوە بۆ ھەرێما کوردستانێ دوپات کر

ئەمریکا دوبارە پشتەڤانییا خوە ژبۆ ھەرێما کوردستانێ دیار کر و وەزارەتا دەرڤە یا وی وەلاتی بەیانەک ل دۆر کۆمبوونا دوھی یا سەرۆکوەزیرێ ھەرێمێ و جێگرێ وەزیری دەرڤە یێ ئەمریکا بەلاڤ کر.
د بەیانا وەزارەتا دەرڤە یا ئەمریکا دا ھاتیە، جۆن سۆلیڤان د کۆمبوونا د گەل نێچیرڤان بارزانی دا پشتەڤانییا تەمام یا ئەمریکا ژبۆ ھەرێما کوردستانێ دیار کریە و پشتەڤانی ژبۆ دانوستاندنێن ھەولێر و بەغدا ژی دیار کریە.
ھەروەھا ھاتییە کو جۆن سۆلیڤان پیرۆزباھییا نێچیرڤان بارزانی کریە ژبۆ سەرکەفتنا داوی ھەلبژارتنێن پەرلەمانی و سەرکەفتن و بەردەوامییا شەرێ دژی رێکخستنا تیرۆرستی یا داعشێ.
د داویا بەیانی دا ھاتیە، ئەمریکا پشتەڤانییا ھەموو سەرکردەیێن ئیراقێ دکەت ژبۆ پێکئینانا حکومەتا نوو یا سەروەر د دەمێ دەستنیشانکری دا و ل گۆرەی دەستووری.