بالیۆزێ نوو یێ کەنەدا ل ئیراقێ سەرەدانا سەرۆک بارزانی کر

بالیۆزێ نوو یێ کەنەدا ل ئیراقێ سەرودانا سەرۆک بارزانی کر و زێدەباری پەیوەندیێن دوقۆلی، بابەتێن جڤاکی ل گەل گۆتوبێژ کرن.
سەرۆک مەسعوود بارزانی ئەڤرۆ ل بارەگاهێ بارزانی ل پیرمامێ پێشوازی ل پاول گیبارد، بالیۆزێ نوو یێ کەنەدا ل ئیراقێ کر و پێشڤەبرنا پەیوەندیێن هەولێر و ئۆتاوا، هاریکارییێن کەنەدا بۆ پێشمەرگەی د چارچووڤەیێ مەشقێن هێزێن ناتۆیێ دا و پرۆسەیا سیاسی ل هەرێما کوردستانێ و ئیراقێ ل گەل گۆتوبێژ کرن.
بالیۆزێ کەنەدا، کو یەکەم بالیۆزێ وەلاتێ خوە یە ل ئیراقێ پشتی سالا 1991ێ، ئاماژە ب خالێن هەڤپشکێن ئیداریا فیدرالی یێن کەنەدا و ئیراقێ دا و پەسنا بزاڤێن حکومەتا هەرێمی یێن دروستکرنا هەڤسەنگییا رەگەزی و پشکدارییا ژنان دا.
سەرۆک بارزانی داخوازا سەرکەفتنێ بۆ بالیۆزێ نوو یێ کەنەدا کر و دوپات کر: ل کوردستانێ چ رێگری ل هەمبەر ژیانا سیاسی، ئابۆری و جڤاکی یا ژنان نینن، لو پێدڤی یە رۆلێ ژنان د هەموو بیاڤان دا بهێتە کاراترکرن.