سه‌روك بارزانى بهه‌لكه‌فتا سه‌ركه‌فتنا لیستا پارتى په‌یامه‌كا پیروزباهیێ به‌لاڤكر
بهه‌لكه‌فتا سه‌ركه‌فتنا لیستا پارتى دیموكراتى كوردستان، سوپاسیێن خوه ئاراسته‌یى جه‌ماوه‌رێ خوه‌راگر و ب ئه‌مه‌ك یێ كوردستانێ دكه‌م، شانازییه‌كا مه‌زنه كو گه‌لى كوردستانێ باوه‌رى ب پارتى دیموكراتى كوردستان دایه، هه‌ر ئه‌و باوه‌رییه ژى كو بنه‌مایێ شه‌رعییه‌ت و به‌رده‌وامبوونێ یه، به‌لگه و شاهدییه‌كا روونه بو خه‌بات و ده‌ستكه‌فت و ئامانجێن پارتى دیموكراتى كوردستان، ئه‌ڤ سه‌ركه‌فتنه، سه‌ركه‌فتنا ئیراده‌یا گه‌لێ كوردستانێ و سه‌ركه‌فتنا پێشمه‌رگه‌ییه، سه‌ركه‌فتنا رێبازا پیروز یا بارزانیێ نه‌مره، سه‌ركه‌فتنا وێ رێبازێ یه ئه‌وا كو قوربانییه‌كا بێ هژمار و ب هه‌زاران شه‌هید داین، سه‌ركه‌فتنا وێ ریبازێ یه ئه‌وا قوربانییه‌كا بێ هژمار و ب هه‌زاران شه‌هید داین، سه‌ركه‌فتنا وێ رێبازێ یه یا چو جاران مساومه ل سه‌ر مافێن ره‌وایێ گه‌لێ كوردستانێ نه‌كریه و ناكه‌ت ژى، سه‌ركه‌فتنا وێ رێبازێ یه ئه‌وا ل پێناڤ پێكڤه ژیان و ئازادى و دیموكراسیێ خه‌باتكریه، بهه‌لكه‌فتا ڤێ سه‌ركه‌فتنا مێژوویى پیروزباهیێ ل خه‌لكێ كوردستانێ و سه‌ركردایه‌تى و كادر و ئه‌ندام و لایه‌نگر و جه‌ماوه‌رێ پارتى دیموكراتى كوردستان دكه‌م و سوپاسیا وان دكه‌م كو هیمه‌ت كرینه و ل پێناڤ بده‌ستڤه‌ئینانا كوردستانه‌كا ب هێز پارتى ب سه‌ر ئێخستن، ژ ئه‌نجامێ ڤێ سه‌ركه‌فتنێ ژى ب ئانه‌هیا خودایێ مه‌زن حكومه‌ته‌كا بهێز، بو كوردستانه‌كا بهێز و بو خزمه‌تكرنا گه‌ل دێ هێته دامه‌زراندن، هه‌ر ل ڤێرێ ژى دێ ڤێ گوتنا بارزانیێ نه‌مر ل بیرا كادر و لایه‌نگرێن پارتى دئینمه ڤه، ل سه‌ركه‌فتنان مه‌غروور نه‌بن و ل شكه‌ستنان ژى بێ ئومێد نه‌بن، ڤێ شیره‌تا بارزانیێ نه‌مر بكه‌نه سه‌رمه‌شقێ خوه و نابیت سه‌ركه‌فتن هه‌وه غروور بكه‌ت چونكى ئه‌ڤ سه‌ركه‌فتنه، سه‌ركه‌فتنا هه‌مى گه‌لێ كوردستانێ یه و بو خزمه‌تا كوردستانێ یه، نها ژى ده‌مێ وێ یه‌كێ هاتییه كو ئه‌م هه‌مى ئێكرێزى و ئێكده‌نگییا ملله‌تێ خوه بپارێزین و داخوازێ ژ هه‌مى ئالییه‌كێ ژى دكه‌م به‌رژه‌وه‌ندیێن گه‌ل و هه‌ڤده‌نگییا نیشتیمانى بكه‌نه ئه‌وله‌ویه‌ت و ل سه‌رێ هه‌مى بابه‌ته‌كێ دانن، هزاران سلاڤ ل گیانێ پاكێ شه‌هیدێن كوردستانێ و رێیا ئازادیێ، سلاڤ بو پێشمه‌رگێن قه‌هره‌مان
مه‌سعود بارزانى
