نێچیرڤان بارزانى په‌یامه‌ك لدۆر ئه‌نجامێن هه‌لبژارتنان به‌لاڤكر
جێگرێ سه‌رۆكێ پارتی دیموكراتی كوردستانێ په‌یامه‌ك به‌لاڤ كر و داخواز ژ ته‌ڤ ئالیێن سیاسی كر ب گیانه‌كێ ئارام و ئاڤاكه‌ر بۆ پاراستنا ئێكرێزی و ته‌بایێ به‌رده‌وام بن.
نێچیرڤان بارزانی جێگرێ سه‌رۆكێ پارتییا دیموكرات یا كوردستانێ په‌یامه‌ك ب هه‌لكه‌فتا راگه‌هاندنا ئه‌نجامێن داویێ یێن هه‌لبژارتنێن په‌رله‌مانێ كوردستانێ به‌لاڤكر و تێدا سوپاسییا خه‌لكێ كوردستانێ ژبۆ پشكدارییا وان د پرۆسه‌یا هه‌لبژارتنێن سیهی ئیلۆنێ دا كر و گۆت: هێشتا د قۆناغا دانانا دیموكراسیێ داینه و ئه‌ڤ هه‌لبژارتنه پێنگاڤه‌كا مه‌زن به‌ر ب پێش.
نێچیرڤان بارزانی داخواز ژته‌ڤ ئالیێن سیاسی كر ب گیانه‌كێ ئارام و ئاڤاكه‌ر بۆ پاراستنا ئێكرێزی و ته‌بایێ به‌رده‌وام بن، ل ده‌ما گۆتووبێژان ل سه‌ر پێكئینانا حكومه‌تا بهێت دكه‌ین، دوپات ژى كر كو پرانییا خه‌لكێ كوردستانێ ده‌رخست كو پشته‌ڤانیێ ل حكومه‌ته‌كا بهێز و سه‌قامگیر ب سه‌ركرداتییا پارتیدكه‌ن.
ژ ئالیه‌كێ دیڤه ئاماژه‌كر: كو پارتی ل چه‌ندین ئالیان ڤه تووشی ململانێ بوو و خه‌بات هات كرن و تووشى شاشییان بووین، لێ هه‌رێما كوردستانێ ب ئێكگرتى پاراستی ما و گۆت: ئه‌نجامان خواسته‌كا بهێز نیشانداییه بۆ پێكئینانا حكومه‌تا داهاتی و به‌رده‌وامبوون ل سه‌ر كارێ خوه، خه‌لكی ب ئاشكه‌رای و ب ده‌نگێ بلند و بێ ترس ده‌نگ ب پارتی دا و ده‌نگ ب ئێمناهی و ئارامییا چه‌ندین سالان ب رێزگرتنا هه‌می نه‌ته‌وه‌و و ئاینان و پاراستنا پێكڤه ژیانێ دا.
دووپات ژی كر: ئه‌نجامێن هه‌لبژارتنان به‌لگه‌یێن رۆهنن كو پرانیا گه‌لێ كوردستانێ هه‌ڤهزر و هه‌ڤالێن ئاڤه‌دانكرن و پاراستنا كوردستانێ نه و هه‌روه‌سا سوپاسییا هه‌می ئۆل و پێكهاته‌یێن هه‌رێما كوردستانێ كر كو ل هه‌لبژارتنان چانسه‌كێ دی داییه پارتی داكو كارێن باشتر بكه‌ت.
