تورکیا.. بەلەمەکا کۆچبەرێن ئیراقی بنئاڤبوو

بەلەمەکا کۆچبەران د دەریا ئیجە دا ل نێزیک باژارێ بۆدروم ل باشۆرێ رژۆئاڤایێ تورکیا بنئاڤ بوو و کەسەکێ ژیانا خوە ژ دەست دا.
ل گۆرەی ئاگاھییێن مەدیایا تورکیا، بەلەمەکێ 13 کۆچبەرێن ئیراقی و فەلەستینی ھەلگرت بوون و ل نێزیک بەراڤێن باژارێ بۆدروم بنئاڤ بوو، کەسەکی ژی ژیانا خوە ژ دەست دا و پاسەوانێن بەراڤان ژی یێن دی ھەموو رزگار کرن.
پێلا کۆچبەران ژ بەراڤێن تورکیا بۆ وەلاتێن ئەورۆپا بەردەوامە و روودانێن بنئاڤبوون و گیان ژ دەستدانا وان بوویە کارەکێ رۆژانە، پتریا وان کۆچبەران ژی وەلاتییێن ئیراقی و سووری و ھندەک وەلاتێن دی یێن رۆژھەلاتا ناڤینن.