سەركەفتنا حوکمەتا عادل عەبدولمەهدی یا گرێدایه ب پێنج خالێن سەرەکی ڤە

مەحمود عوسمان سیاسەتمەدارێ كورد و ئەندامێ خولا بەرێ یێ پەرلەمانێ عیراقێ راگەهاندیه، کو سەركەفتنا حوکمەتا عادل عەبدولمەهدی یا گرێدایە ب پێنج مەرجێن سەرەكی ڤە.

مەحمود عوسمان ل هژمارا خوە یا تایبەت ل تۆرا جڤاکی یا تویتەری روونكریە كو سەركەفتنا سەرۆك وەزیران یا گرێدایە ل سەر رژدبوونا وی ل سەر سەپاندنا سەروەریا قانوونی و پێشكێشكرنا خزمەتگوزاریێن بنەرەتی و نەهێلانا گەندەلیێ و ب دەستڤەئینان و كۆنترۆلكرنا دیاردا چەكداریێ کو ب تنێ چەك د دەستێ دەولەتێ دابیت.

گۆتیە ژی، سەركەفتنا عەبدولمەهدی پێدڤی ب پالپشتی و پشتگیریا هەموو لایەنان ڤە هەیە كو دڤێت بەرژەوەندیێن بەرتەنگ بكەنە قوربانی بەرژەوەندیا بەرفرەهێن نیشتیمانی.