نێزیکی 16 ھزار قوتابیێن دی ل زانکۆیێن ھەرێمێ ھاتن وەرگرتن
وەزارەتا خواندنا بلند و لێکۆلینێن زانستی وەرگرتنا نێزیکی شازدە ھزار قوتابیێن دی ل زانکۆیێن ھەرێما کوردستانێ راگەھاند.
عەباس ئەکرەم پەیڤدارێ وەزارەتا خواندنا بلند و لێکۆلینێن زانستی د داخۆیانییەکێ دا گۆت: پلانا وەرگرتنا قۆتابیێن قۆناغا دوازدێ ئامادەیی ل زانکۆ و پەیمانگەھان بۆ سالا خواندنێ 2018 – 2019 ھات زێدەکرن، ئاماژەکر کو 19 ھزار و 854 سکالا ھاتبوون تۆمارکرن، ژوێ ژمارێ 15763 ھزار قوتابیێن بەری نھا ناڤێن وان ل چ جھان نەھاتین، ل زانکۆیێن ھەرێمێ ھاتن وەرگرتن.
پەیڤدارێ وەزارەتا خواندنا بلند خوەیا ژی کر: کو جھێن 4 ھزار و 91 قوتابیان ل سەر داخوازییا وان ھات گوھۆرین و گۆت: د ئەڤ سالا خواندنێ دا، 43 ھزار و 426 قوتابی ھاتنە وەرگرتن، دوپات ژی کر کو کێمترین کۆنمرەیا وەگرتنا قوتابیان د ناڤبەرا خۆلا ئێکێ و دویێ ژ سێ نمرەیان دەرباز نەکر.
د ئالیەکێ دی دا گۆت ژی: قوتایێن سکالا تۆمارکری، دشێن، سبە رۆژا ئێکشەمبی ب رێیا وێبسایتێ رێگای زانکۆ ب شێوەیەکێ ئۆنلایێن ئەنجامێن وەرگرتنا خوە ل زانکۆ و پەیمانگەھان بزانن.
