نێچیرڤان بارزانی هێرشا مسرێ شه‌رمه‌زاركر
سه‌رۆكوه‌زیرێن هه‌رێما كوردستانێ ئه‌ڤرۆ هێرشا تیرۆری یا پارێزگه‌ها مینایێ ل مسرێ ئیدانه كر و سه‌ره‌خۆشی ژی ل مالباتێن قوربانییان كر.
نێچیرڤان بارزانی، سه‌رۆكوه‌زیرێن هه‌رێما كوردستانێ، د په‌یامه‌كێ دا راگه‌هاند؛ ئه‌و ب توندی وێ هێرشا هۆڤانه ئیدانه دكه‌ن كو ل سه‌ر باسه‌كا سڤیل ل پارێزگه‌ها مینایێ ل مسرێ هاتییه كرن و هه‌ژماره‌كا وه‌لاتیێن كرێستیان تێدا بووینه قوربانی.
نێچیرڤان بارزانی سه‌ره‌خۆشی ژی ل كه‌س و كارێن قوربانییان و حكومه‌تا مسرێ كر و گۆت: هه‌رێما كوردستانێ هه‌ڤسۆز و خه‌ما مسرێ یه.
سه‌رۆكوه‌زیرێن هه‌رێما كوردستانێ ل داوییا په‌یاما خوه گۆتییه: به‌رپرساتییا وێ تاوانێ ژ ئالیێ داعشێ ڤه، راستییا ژ ناڤچوونا وان ل به‌ره‌یێن شه‌ڕی نیشان دده‌ت، ل ده‌مه‌كی به‌رده‌وامییا كریارێن تیرۆرستی ژی، جڤاكا نێڤده‌وله‌تی د ئێخیته همبه‌ر به‌رپرساتییه‌كا مه‌زنتر كو هه‌ماهه‌نگییا زێده‌تر بۆ ژناڤبرنا تیرۆرێ بكه‌ت.
