سه‌ره‌دانا كه‌ساتى و ناڤدارێن ده‌ڤه‌رێ

دكتور عه‌لى ته‌ته‌ر ئه‌ندامى سه‌ركردایه‌تى و به‌رپرسێ لقێ هه‌شت یێ پارتى دیموكراتى كوردستان، و دگه‌لدا شانده‌كێ كارگێریا لقێ، د چوار چوڤێ به‌رنامێ هاتییه‌ دانان بو سه‌ره‌دانا كه‌ساتى و ناڤدارێن ده‌ڤه‌رێ دا، سه‌ره‌دانا مالا پێشمه‌رگێ گولانێ حاجى ئه‌بو زه‌یدكر، د ڤێ سه‌ره‌دانێ دا به‌رپرسێ لقێ هه‌شت یێ پارتى و شاندێ دگه‌ل دا ژ نیزیك ره‌وشا ناڤرى پرسین و ته‌كه‌ز كر كو ئه‌ڤ ئازادیا نها ئه‌م تێدانه‌ به‌رهه‌مێ خه‌بات و ماندیبوونا وان پێشمه‌رگه‌ و قه‌هره‌مانانه‌ یێن ل ئه‌یلول و گولانێ به‌ره‌ڤانى ژ رومه‌ت و شه‌ره‌فا گه‌لى خوه‌كرینه‌، هه‌روه‌سا دكتور عه‌لى ته‌ته‌ر به‌رهه‌ڤییا خوه‌ بو وى ده‌ربرین بو هه‌ر پێدڤییه‌ كێ، و لدوماهیێ پێشمه‌رگێ گولانێ حاجى ئه‌بو زه‌ید خوه‌شحالیا خوه‌ ده‌ربرى و سوزدا تا ئه‌و هه‌بن ل سه‌ر وێ رێبازا پیروز بن یا ل سه‌ر هاتینه‌ په‌روه‌رده‌كرن ئه‌و ژى پارتى دیموكراتى كوردستانه‌