سەرۆکوەزیر بارزانی پێشوازی ل شاندەکا نۆشدارێن ئەمریکی کر

سەرۆکوەزیر نێچیرڤان بارزانی پێشوازی ل شاندەکا نۆشدارێن ئەمریکی کر و پشتەڤانییا حکومەتا هەرێمێ بۆ پرۆژەیێ وان یێ خێرخوازی راگەهاند.
نێچیرڤان بارزانی، سەرۆکوەزیرێ هەرێما کوردستانێ ئەڤرۆ ل گەل شاندەکا رێکخستنا “جی ئێس ئێم ئێس جى”، پێکهاتی ژ چەندین نۆشدار و بسپۆرێن ساخلەمیێ یێن خوەبەخش یێن ئەمریکی کۆم بوو و باس ل پرۆژەیێ وێ یێ پێشکێشکرنا خزمەتگوزاریێن ساخلەمیێ بۆ کەمپێن ئاوارە و پەنابەران کر.
شاندا نۆشدارێن ئەمریکی رۆلێ گەلێ کوردستانێ د رووبرووبوونا داعشێ دا، هەروەسا ئارامی و پێکڤەژیانا کوردستانێ بلند هه‌لسه‌نگاند.
ژ ئالیێ خوە ڤە سەرۆکوەزیر نێچیرڤان بارزانی ژی پشتەڤانییا حکومەتا هەرێمێ بۆ پرۆژەیێ خێرخوازی یێ وێ رێکخستنێ دوپات کر.