عه‌بدولمه‌هدى: بارزانى ئه‌ندازیاره‌كێ گرنگ یێ دووباره ئاڤاكرنا عیراقێ یه
محه‌مه‌دسدیق
ئه‌ڤرو سه‌روك مه‌سعود بارزانى ل فروكخانه‌یا نیڤده‌وله‌تیا به‌غدا ژلایێ محه‌مه‌د حه‌لبووسى سه‌روكێ جڤاتا نوینه‌رێن عیراقێ و هادى عامرى ڤه ب گه‌رمى هاته پێشوازیكرن، و ژلایێ خوه‌ڤه سه‌ره‌دانا سه‌روك بارزانى ب گرنگ دانه زانین و دیاركرن ئه‌ڤ سه‌ره‌دانه دێ به‌رهه‌مداربیت، پاشى و دچارچووڤێ ڤێ سه‌ره‌دانێ دا سه‌روك وه‌زیرێن عیراقێ پێشوازى ل سه‌روك بارزانى كر و د دیداره‌كێ دا چه‌ندین پرسێن گرێدایى ره‌وشا هه‌رێمێ و به‌غدا گوتوبێژكرن و سه‌روك بارزانى گوت، هه‌مى هاریكاریه‌كێ بو عادل عه‌بدولمه‌هدى دێ كه‌ین بو چاره‌سه‌ركرنا كێشه‌یان و ژ ئالیێ خوه‌ڤه عه‌بدولمه‌هدى راگه‌هاند، كو ئه‌و ب سه‌ره‌دانا سه‌روك بارزانى گه‌شبینه و ئه‌ڤه پشتى كو دوهى د كونگره‌یى خوه یێ روژنامه‌ڤانیێ حه‌فتیانه دا، عادل عه‌بدولمه‌هدى دیاركربوو، كو ئه‌و پێشوازیێ ل سه‌ره‌دانا سه‌روك مه‌سعود بارزانى یا به‌غدایێ دكه‌ت و گوت، ب خوه‌شحالى ڤه دێ دگه‌ل كوومبم و ئه‌و ب چاڤه‌كێ ئه‌رێنى ل ڤێ سه‌ره‌دانێ دنێریت، پشتى وه‌رگرتنا پوستێ سه‌روك وه‌زیرێن عیراقێ ئێكه‌م جاره سه‌روك بارزانى و عادل عه‌بدولمه‌هدى كوومببن، پێشتر ژى سه‌روك بارزانى پیروزباهییا وه‌رگرتنا پوستێ سه‌روك وه‌زیرییا عیراقێ ل عه‌بدولمه‌هدى كربوو و داخواز ژێ كربوو، شاشیێن به‌رییا نها یێن ده‌ستهه‌لاتدارێن عیراقێ دووباره نه‌كه‌ت
