سەرۆک بارزانی سەرەدانا ئیماراتا ئەرەبی دکەت

سه‌رۆك مه‌سعوود بارزانی پشتی سه‌ره‌دانا خوه‌یا به‌غدا و نه‌جه‌فێ، شڤێدی ب سه‌ره‌دانه‌كا فه‌رمی به‌ره‌ڤ ئیماراتا عه‌ره‌بی یا ئێكگرتی چوو.
ل گۆری زانیاریێن وار، پشتی دو رۆژێن سه‌ره‌دانا خوه‌یا به‌غدا و نه‌جه‌فێ، سه‌رۆك مه‌سعوود بارزانی ئێڤارییا دوهی پشتی كۆمبوونا ل گه‌ل ریبه‌رێ ره‌وتا سه‌دری، ب رێیا فرۆكخانه‌یا نه‌جه‌ف یا نێڤده‌وله‌تی به‌ر ب ئیماراتا ئه‌ره‌بی ب رێككه‌فت.
چاڤه‌رێ دهێت كرن، سه‌رۆك مه‌سعوود بارزانی دگه‌ل مه‌زنه‌به‌رپرسێن ئیماراتا ئه‌ره‌بی كۆمببیت، ده‌نگۆیه‌ك ژی هه‌یه‌كو سه‌ره‌دانا هنده‌ك وه‌لاتێن كه‌نداڤی ژی بكه‌ت، ژ وان ئه‌ره‌بستانا سعوودیێ.
سه‌رۆك مه‌سعوود بارزانی ئه‌ڤ سه‌ره‌دانه‌ل سه‌ر داخوازییا فه‌رمییا ئیماراتا ئه‌ره‌بی كرییه‌و دێ بۆ ده‌ما دو رۆژان ڤه‌كێشیت.
سه‌رۆك بارزانی ل 2 رۆژێن بۆری ل هه‌ر یه‌ك ژ به‌غدا و نه‌جه‌فێ دگه‌ل پرانییا ئالیێن ئیراقی یێن سوننه‌و شیعه‌كۆمبوو، پێشدابرنا په‌یوه‌ندیێن هه‌ولێر و به‌غدایێ گۆتوبێژ كرن، ئالیێن ئیراقی ژی ژ سه‌رۆك بارزانی خواست، ده‌ستپێشخه‌رییه‌كێ ژبۆ چاره‌كرنا ره‌وشا ئیراقێ بكه‌ت.