نووچه
مه‌سروور بارزانی: دانوستاندنێن گرنگ و به‌رهه‌مدار ل به‌غدا هاتنه كرن
سه‌ره‌دانا 2 رۆژی یا سه‌رۆك بارزانی ل به‌غدا ب داوی هات و شیره‌تكارێ جڤاتا ئاسایشا هه‌رێما كوردستانێ ژی راگه‌هاند؛ دانوستاندنێن گرنگ و به‌رهه‌مدار بۆ چاره‌كرنا كێشه‌یێن هه‌ولێر و به‌غدایێ هاتنه كرن.
د هه‌ژمارا خوه یا تایبه‌ت یا تۆرا جڤاكییا تویته‌ری دا، مه‌سروور بارزانی شیره‌تكارێ جڤاتا ئاسایشا هه‌رێمێ و ئه‌ندامێ شاندی دیار كر، نها ده‌لیڤه‌یه‌كا گرنگه و د 2 رۆژێن بووری دا، دانوستاندنێن گرنگ و به‌رهه‌مدار بۆ چاره‌كرنا كێشه‌یان و سیسته‌ماتیككرنا په‌یوه‌ندیێن هه‌ولێر و به‌غدایێ هاتنه كرن.
مه‌سروور بارزانی، گه‌شبینییا خوه ژ چاره‌كرنا هه‌موو كێشه‌یێن هه‌ولێر و به‌غدایێ نیشاندایه و راگه‌هاندییه، ئه‌و گه‌شبینه، كو سه‌ركرداتییا نوو یا ئیراقێ، دێ سه‌ركه‌فتنێن هه‌ڤپشك و باجا زیانان بۆ گه‌لێ كوردستانێ و ده‌ڤه‌رێ به‌رچاڤ وه‌رگریت.
