نووچه
حه‌لبووسی پارێزگارێ نه‌ینه‌وا پاشڤه بر
سه‌رۆكێ جڤاتا نوونه‌رێن ئیراقێ ل سه‌ر گرته ڤیدیۆیەکا پارێزگارێ نه‌ینه‌وا و بێرێزیا وئ ل ده‌رهه‌قێ رێڤه‌به‌ره‌كێ قوتابخانه‌یه‌كا مووسلێ هاتە دەنگ.
محه‌مه‌د حه‌لبووسی، د تویته‌كێ دا راگه‌هاند: گه‌ر مامۆستا ب دروستی ئه‌ركێ خوه بجهـ نەئینن، رێكارێن یاسایی هه‌نه کو ل ده‌رهه‌قێ وان بهێنه‌كرن و پێدڤی ب خوه‌سه‌پاندن، ناڤزراندن و كوێلەکرنا وان نینە.
نڤیسییه ژی: سه‌رۆكێ یه‌كه‌یا ئیداری نه دادوه‌ره، و ئه‌ركێ وی تنێ پێشكێشكرنا خزمه‌تگوزارییانه و دابینكرنا پێدڤیاتیێن وه‌لاتییانه.
گرته ڤیدیۆیەکا نه‌وفه‌ل حه‌مادی سۆلتان، پارێزگارێ نه‌ینه‌وا ل سه‌ر تۆرێن جڤاكی به‌لاڤ بوویه و تێدا ناڤهاتی سه‌ره‌دانا قوتابخانه‌یه‌كا سه‌ره‌تایی یا مووسلێ دكه‌ت و بێریزیێ ل هەمبەر رێڤه‌به‌رێ قوتابخانه‌یێ دکەت.
