نووچه
نێچیرڤان بارزانی فه‌رمان دا نه‌خۆشخانه‌یه‌كا په‌نجه‌شێرێ ل دهۆكێ بهێت ئاڤاكرن
سه‌رۆكوه‌زیرێ هه‌رێما كوردستانێ فه‌رمان دا، نه‌خۆشخانه‌یه‌كا په‌نجه‌شێرێ ل پارێزگه‌ها دهۆكێ بهێت ئاڤاكرن.
رێباز حەملان، وەزیرێ دارایی و ئابۆری یێ ھەرێما کوردستانێ د سەرەدانا خوە یا پارێزگەھا دھۆکێ دا ئاشکرا کر، نێچیرڤان بارزانی، سەرۆکوەزیرێ ھەرێمێ رازیبوون ل سەر ئاڤاکرنا نەخوەشخانەیەکا تایبەت یا پەنجەشێرێ بۆ پارێزگه‌ها دھۆکێ دایە.
وەزیرێ دارایی یێ ھەرێمێ د ھەڤدیتنا خوە یا د گەل پارێزگارێ دھۆکێ دا بەحسا رێکارێن بجھئینانا وی پرۆژەیی کر و گۆت: ئه‌و نه‌خۆشخانه دێ ل ده‌مه‌كێ نێزیك ده‌ست ب ئاڤاكرنا وێ هێت كرن.
نه‌خۆشخانه و سه‌نته‌رێن تایبه‌ت ب چاره‌سه‌رییا نه‌خۆشییا په‌نجه‌شێرێ ل پارێزگه‌هێن هه‌ولێر و سلێمانیێ هه‌نه، پێشتر ژی، به‌رێ بنیاتێ نه‌خۆشخانه‌یه‌كا تایبه‌ت ل دهۆكێ هاتییه دانان، لێ ده‌ست ب ئاڤاكرنێ نه‌هاتبوو كرن.
