بارزانی ل سه‌ر سه‌رخوه‌بوونێ رژده و هه‌لوه‌ستێ وی نه‌هاتییه گوهاڕتن
ووری مالكی سه‌رۆكێ حزبا ده‌عوه راگه‌هاند: بارزانی هێشتا ل سه‌ر رێفراندۆمێ یێ رژده و هه‌لوه‌ستێ وی ل دۆر سه‌رخوه‌بوونێ، نه‌هاتییه گۆهاڕتن.
د هه‌ڤپه‌یڤینه‌كێ دا ل گه‌ل كه‌نالێ دو یێ ئیرانی، نووری مالكی به‌حس ل سه‌ره‌دانا سه‌رۆك مه‌سعوود بارزانی یا به‌غدایێ كر و گۆت: هه‌ر چه‌ند نها نیازه‌ك بۆ ڤه‌گه‌ریانا هه‌ولێری بۆ به‌غدا هه‌یه، لێ بارزانی هێشتا یێ رژده ل سه‌ر وێ رێفراندۆما پار كری و هه‌لوه‌ستێ وی ل دۆر سه‌رخوه‌بوونێ وه‌ك خوه‌یه و نه‌هاتییه گۆهاڕتن.
گۆت ژی: نها كوردستانێ پێدڤی ب به‌غدایه و به‌رۆڤاژی، لێ بارزانی ل به‌غدا ئه‌و نیاز نیشا نه‌دا، كو هه‌رێم دێ ده‌ستبه‌رداری ئه‌نجامێن رێفراندۆمێ بیت.
بۆ ئێكه‌م جار پشتی رێفراندۆما پار یا سه‌رخوه‌بوونا هه‌رێما كوردستانێ، بارزانی ل حه‌فتییا بووری سه‌ره‌دانا به‌غدا و نه‌جه‌فێ كر و ل گه‌ل پترییا به‌رپرسێن سیاسی یێن ئیراقێ كۆم بوو، پشتی ڤه‌گه‌ریانێ ژی بارزانی د كۆنگره‌یه‌كێ رۆژنامه‌ڤانی دا راگه‌هاندبوو: چ گاڤێن وان ل سه‌ر حسابا ئارمانجا ستراتیژی یا گه‌لێ كوردستانێ نابن.
