کۆبیچ دوپاتی ل پشکداراییا کارا یا ھەرێمێ د حکومەتا فیدرال دا کر

سەرۆکوەزیرێن ھەرێما کوردستانێ شڤێدی، دگەل نوونەرێ تایبەتێ سکرتێرێ گشتیێ نەتەوەیێن ئێکگرتی ل ئیراقێ کۆمبوو کو ژبۆ خاتر خواستنێ سەرەدانا ھەولێرێ کر.
نێچیرڤان بارزانی شڤێدێ ل ھەولێرێ پێشوازی ل یان کۆبیچ كر، کار و چالاکیێن نەتەوەیێن ئێکگرتی ل قۆناغا بۆری، پێکئینانا حکومەتا ئیراقێ و پشکدارییا ھەرێما کوردستانێ د حکومەتێ دا گۆتوبێژ کر.
نێچیرڤان بارزانی، پەسنا رۆلێ یان کۆبیچ کر کو د قۆناغەکا گەلەک سەخت دا کار ل ئیراقێ کری و بزاڤا لێکنێزیکرنا ئالییان کری، ھەرێما کوردستانێ ژی وەک مالا دویێ بۆ ناڤکر.
یان کۆبیچ ژی کو ب مەرەما خاتر خواستنێ و ب داوی ھاتنا ئەرکێن وی سەرەدانا نێچیرڤان بارزانی کرییە، راگەھاند؛ نەتەوەیێن ئێکگرتی دوپاتی ل پشکدارییا کارا یا ھەرێما کوردستانێ د حکومەتا فیدرال دا کر.