په‌رله‌مانێ عيراقێ سوپاسيا هه‌رێما كوردستانێ دكه‌ت
په‌رله‌مانێ عيراقێ سوپاسيا بزاڤێن هه‌رێما كوردستانێ كر بۆ هاريكاريا زيانداراێن له‌هيان.
حه‌سه‌ن كه‌عبى، جێگرێ ئێكێ يێ سه‌رۆكێ په‌رله‌مانێ عيراقێ راگه‌هاند” سوپاسيا بزاڤێن حوكمه‌تا هه‌رێما كوردستانێ وپارێزگه‌هێن دى دكه‌ين د هاريكاريا زياندارێن له‌هيان وپشته‌ڤانيا ئاواران”.
دهێته زانين مالپه‌رێ فه‌رمى يێ (باره‌گايێ بارزانى) ل سه‌ر تۆرا جڤاكى يا فه‌يسبووكى به‌لاڤكربوو” رۆژا ئه‌ينى 7/12/2018 زوهێر ئه‌عره‌جى قايمقامێ مووسل داخواز ژ سه‌رۆك بارزانى كربوو دهاوارا باژێرێ مووسلێ بچيت وهاريكاريا ئاواران وخه‌لكێ زياندار ژ له‌هيان وباران بارينێ بكه‌ت”.
دياركر ژى” سه‌رۆك بارزانى ل دووڤ وێ داخوازيێ هات وده‌زگه‌هێ خێرخوازى يێ بارزانى راسپارد هاريكاريا زياندارێن له‌هيان ل باژێرێ مووسل بكه‌ت”.
رزگار عوبێد، رێڤه‌به‌رێ نڤيسينگه‌ها مووسل يا ده‌زگه‌هێ خێرخوازى يێ بارزانى راگه‌هاند” ل سه‌ر راسپاردا سه‌رۆك بارزانى، دده‌مێ 24 ده‌مژمێران دا دێ كاروانه‌كێ مه‌زن
يێ هاريكاريان بۆ ئاكنجيێن كه‌مپێن نه‌مروود وسه‌لاميه هنێرين”.
