نووچه
پێنتاگۆن: هێزێن مه دێ ل هه‌ولێرێ جێگیر بن
وه‌زاره‌تا به‌رگرییا ئه‌مریكا، پێنتاگۆنێ راگه‌هاند؛ سه‌رباز و ئه‌فسه‌رێن ئه‌مریكی یێن ژ سووریێ دهێن ڤه‌كێشان، دێ ل هه‌رێما كوردستانێ هێنه جێگیر كرن.
رۆبێرت مه‌نینگ، په‌یڤدارێ پێنتاگۆنێ راگه‌هاند؛ بریارا ڤه‌كێشانا هێزێ ژ سووریا، ژبه‌ر ب داوی هاتن و تێكشكاندنا داعشێ هاتییه دان و پرۆسه‌یا ڤه‌كێشانا هێزێ، دێ د ده‌ما سه‌د رۆژان دا بیت و ل ده‌ستپێكێ دێ ژ بنگه‌هێ ته‌نه‌ف و پاشی ژ ناوچه‌یا پێنجی و پێنج بیت.
گۆت ژی: نها دو هزار و سه‌د و سیهـ سه‌رباز و ئه‌فسه‌رێن ئه‌مریكی ل سووریێ نه و پشتی ڤه‌كێشانێ، ئه‌و هێزه دێ ل سنۆرێ هه‌ولێرێ ل هه‌رێما كوردستانێ هێن جێگیر كرن.
دا زانین ژی: ئه‌مریكا و هه‌ڤپه‌یمانێن خوه، ئاماده‌نه هه‌ر ده‌مێ پێدڤی به‌رگریێ ل سووریا بكه‌ن و گه‌فا تیرۆرێ ژناڤ ببه‌ن.
