هه‌وا ڤاكسیندانا زارۆیێن د بن 5 سالیێ دا ده‌ستپێكر

ھەوا نشتیمانییا فالنجا زارۆیێن د بن ژیێ 5 سالیێ دا ل هه‌رێما كوردستانێ ده‌سپێكر و بۆ ده‌ما 5 رۆژان دێ به‌رده‌وام بیت.
ل هه‌رێما كوردستانێ زیده‌تر ژ 797 هزار زارۆیێن د بن ژیێ 5 سالیێ دا هه‌نه‌ كو زارۆیێن ئاواره‌ ژى هه‌موو دناڤدانه‌ ‌هه‌نه‌ و زێده‌تر ژ 1600 تیمێن نۆشدارى یێن گه‌ڕۆك هاتینه ‌ئاماده‌كرن و ئه‌ڤرۆ ده‌ست ب گه‌ڕیانێ ل ناڤا مالان كرییه‌.
ل پارێزگه‌ها هه‌ولێرێ زێده‌تر ژ 306 هزار زارۆ هه‌نه ‌و زێده‌تر ژ 600 تیمان، و دیسا ژى 135 نۆشدار دێ سه‌رپه‌رشتییا هه‌وا فاكسیندانێ كه‌ن.
هه‌روه‌سا ل سلێمانیێ ژى زێده‌تر ژ 248 هزار زارۆ هه‌نه‌ كو دێ 500  تیم ب سه‌رپه‌رشتییا 117 نۆشداران پشكداریێ د هه‌وا فاكسیندانێ دا كه‌ن.
ل سنۆرێ پارێزگه‌ها دهۆكێ ژى 242 هزار زارۆیێن د بن ژیێ 5 سالیێ دا هه‌نه‌و 517 تیم دێ كارێ فاكسیندانێ ب سه‌رپه‌رشتییا 114 نۆشداران كه‌ن.