توركیا داخواز ژ گووگلی كر نه‌خشه‌یێ كوردستانا مه‌زن راكه‌ت

حکومەتا تورکیا داخواز ژ کۆمپانییا گووگلی یا ئەمریکی کر نەخشەیێ کوردستانا مەزن ل سەر پشکا نەخشەیان راکەت کو ئەو نەخشە باکۆرێ کوردستانێ ژی ڤەدگریت.
جاھید تورھان، وەزیرێ گەھاندن و ژێرخانەیا تورکیا راگەھاند: بۆ راکرنا نەخشەیێ کوردستانێ ل پشکا ئنگلیزی یا نەخشەیێ گووگلی، ئەوان سەرەدانا بەرپرسێن وێ کۆمپانیێ کرییە.
گۆت ژی: دێ دووڤچوونێ بۆ داخوازییا خو کەن و دگەل گووگلی ژی ل دۆر وێ پرسێ د پەیوەندیێن بەردەوام دانە.
ل 26ێ چریا ئێکێ یا ئەڤسالە، یاوز ئاغرالی ئۆغلو، بریکارێ سەرۆکێ فراکسیۆنا ئی پارتی ل پەرلەمانێ تورکیا، پرسا نەخشەیێ کوردستانێ ل سەر پشکا ئنگلیزی یا نەخشەیێن گووگلی، ئێخستە رۆژەڤا پەرلەمانی و ب رێیا نڤیسارەکا فەرمی پێشکێشی سەرۆکاتیا پەرلەمانی کر و داخواز ژ وەزیرێ گەھاندنێ کر بەرسڤا چەند پرسان ل دۆر وی بابەتی بدەت.