نووچه
عه‌بدولمه‌هدی ره‌تكر داخوازا پاشئێخستنا ته‌مامكرنا حكومه‌تێ كربیت
سه‌رۆكاتییا وه‌زیرێن ئیراقێ ره‌ت كر وان داخواز ژ سه‌رۆكاتییا په‌رله‌مانی كربیت ده‌نگدان ل سه‌ر وه‌زیرێن مایی بهێت پاشخستن و راگه‌هاند؛ ئه‌و نڤیسارا ب ناڤێ عادل عه‌بدولمه‌هدی هاتییه به‌لاڤكرن سه‌خته‌یه.
ئۆفیسا سه‌رۆكوه‌زیرێن ئیراقێ ئه‌ڤرۆ راگه‌هاند؛ ئه‌و نڤیسارا ب ناڤێ عادل عه‌بدولمه‌هدی بۆ سه‌رۆكاتییا په‌رله‌مانی هاتییه ئاراسته كرن سه‌خته‌یه و ب چ ئاوایه‌كی داخوازییا پاشئێخستنا ده‌نگدانێ ل سه‌ر وه‌زیرێن مایی نه‌هاتییه كرن.
ئۆفیسا عادل عه‌بدولمه‌هدی ئه‌و یه‌ك راگه‌هاند و دیاركر، سه‌رۆكێ وه‌زیران تنێ به‌ربژارێن ده‌سته‌یا نیشتیمانییا وه‌به‌رهێنانێ و هه‌روه‌ها ده‌سته‌یا شیره‌تكارییا جڤاتا وه‌زیران ئاراسته كرینه و بریاره د كۆمبوونا بهێت دا، بكه‌ڤنه به‌ر ده‌نگدانێ.
